நீங்கள் தேடியது "காங்கிரஸ் காரிய கமிட்டி"

புதுடெல்லி:

பாராளுமன்றத் தேர்தலில் காங்கிரஸ் கட்சி 421 தொகுதிகளில் போட்டியிட்டது. மீதமுள்ள 122 தொகுதிகளை கூட்டணிக் கட்சிகளுக்கு விட்டுக் கொடுத்திருந்தது.

கடந்த 2014-ம் ஆண்டு தேர்தலில் 44 இடங்களில் மட்டுமே வெற்றி பெற்றிருந்த காங்கிரஸ் இந்த தடவை சுமார் 250 தொகுதிகளில் வெற்றியை எதிர்பார்த்தது. காங்கிரஸ் தலைவர் ராகுல், அவரது சகோதரியும் பொதுச்செயலாளருமான பிரியங்கா இருவரும் சுமார் 2 மாதங்கள் சுற்றுப்பயணம் செய்து தீவிர பிரசாரம் மேற்கொண்டதால் காங்கிரஸ் மீதான எதிர்பார்ப்பு மக்கள் மத்தியிலும் அதிகரித்திருந்தது.

கடந்த 23-ந்தேதி தேர்தல் முடிவுகள் வெளியானபோது காங்கிரசுக்கு மீண்டும் வரலாறு காணாத தோல்வி ஏற்பட்டது. 421 தொகுதிகளில் போட்டியிட்டும் 52 தொகுதிகளில் மட்டுமே காங்கிரசால் ஜெயிக்க முடிந்தது. 369 தொகுதிகளில் மக்கள் காங்கிரஸ் கட்சியைப் புறக்கணித்தனர்.

காங்கிரஸ் தலைவர் ராகுல் தொடர்ச்சியாக மூன்று முறை வெற்றி பெற்ற அமேதி தொகுதியில் சுமார் 55 ஆயிரம் வாக்குகள் வித்தியாசத்தில் தோல்வி அடைந்தார். 2014-ல் துணைத் தலைவராக இருந்தபோதும், 2019-ல் தலைவராக இருக்கும் போதும் காங்கிரஸ் அடுத்தடுத்து வீழ்ச்சி அடைந்ததால் ராகுல் மிகுந்த வேதனை அடைந்துள்ளார்.

தேர்தல் தோல்வி குறித்து ஆராய்வதற்காக கடந்த சனிக்கிழமை டெல்லியில் காங்கிரஸ் காரிய கமிட்டி கூடியது. அந்த கூட்டத்தில் காங்கிரஸ் மூத்த தலைவர்களின் செயல்பாடுகளை ராகுலும், பிரியங்காவும் கடுமையாக விமர்சித்தனர். பிறகு தேர்தல் தோல்விக்கு முழு பொறுப்பேற்று தலைவர் பதவியில் இருந்து ராஜினாமா செய்வதாக ராகுல் அறிவித்தார்.

ஆனால் அவரது ராஜினாமாவை காங்கிரஸ் காரிய கமிட்டி ஏற்க மறுத்தது. சோனியா, பிரியங்கா உள்பட மூத்த தலைவர்கள் அனைவரும் ராகுலை சமரசம் செய்தனர். என்றாலும் ராகுல் தனது முடிவை மாற்றிக் கொள்ளவில்லை.

காங்கிரஸ் காரிய கமிட்டி கூட்டத்துக்குப் பிறகு மூத்த தலைவர்கள் யாரையும் அவர் சந்திக்கவில்லை. நேற்று முன்தினம் மூத்த தலைவர்கள் பலர் ராகுலுடன் போனில் பேச முயன்றனர். ஆனால் ராகுல் பேச மறுத்து விட்டார்.

நேற்று அவரை அகமது படேல், வேணுகோபால் இருவர் மட்டுமே சந்தித்து பேச முடிந்தது. அப்போது ராகுல் தனது ராஜினாமா முடிவில் மிகவும் உறுதியாகவும், பிடிவாதமாகவும் இருந்தார். “எங்கள் குடும்பத்தை சாராத ஒருவரை புதிய தலைவராக தேர்ந்து எடுங்கள். நான் கட்சியில் சாதாரண தொண்டனாக இருந்து பணியாற்றவே விரும்புகிறேன்” என்று தெரிவித்தார்.

நேற்று ராகுல் காங்கிரஸ் கட்சியின் பல்வேறு நிகழ்ச்சிகளில் கலந்துகொள்ள ஒப்புதல் அளித்திருந்தார். அந்த நிகழ்ச்சிகள் அனைத்தையும் ரத்து செய்து விட்டு வீட்டிலேயே இருந்தார். காங்கிரஸ் எம்.பி.க்களாக தேர்வான 51 பேரும் அவரை சந்திக்க வந்திருந்தனர். ஆனால் புதிய எம்.பி.க்களையும் அவர் சந்திக்க மறுத்து விட்டார்.


இதையடுத்து காங்கிரஸ் காரிய கமிட்டி கூட்டத்தை மீண்டும் கூட்டி ஆலோசிக்க மூத்த தலைவர்கள் முடிவு செய்துள்ளனர். இன்னும் 3 தினங்களுக்குள் காரிய கமிட்டி டெல்லியில் கூடும் என்று எதிர்பார்க்கப்படுகிறது.

அந்த கூட்டத்தில் ராகுல் காந்தியை சமரசம் செய்ய காங்கிரஸ் மூத்த தலைவர்கள் முடிவு செய்துள்ளனர். அப்போதும் ராகுல் தனது ராஜினாமா முடிவில் பிடிவாதமாக இருந்தால் அடுத்தக்கட்ட நடவடிக்கைகளில் ஈடுபடுவது குறித்து மூத்த தலைவர்கள் முடிவு எடுப்பார்கள். ஆனால் ராகுலை தவிர்த்து விட்டு கட்சியை நடத்தும் வகையில் முடிவுகள் எடுக்கப்பட மாட்டாது என்று கூறப்படுகிறது.

ராகுல் வழிகாட்டுதலில் புதிய தலைவர் ஒருவர் தேர்ந்து எடுக்கப்படலாம் என்று கூறப்படுகிறது. பாராளுமன்ற காங்கிரஸ் தலைவராக சசிதரூர் தேர்வு செய்யப்பட வாய்ப்பு இருப்பதாக காங்கிரஸ் வட்டாரத்தில் பேசப்படுகிறது.

காங்கிரஸ் கட்சியின் நிர்வாக அமைப்பிலும் மாற்றம் வரும் என்று கூறப்படுகிறது. இதற்காக காங்கிரஸ் கட்சியின் சட்ட விதிகளில் திருத்தம் செய்யப்படும் என்று தெரிகிறது. ராகுலை உள்ளடக்கிய புதிய குழு ஒன்று ஏற்படுத்தப்படும் என்று எதிர்பார்க்கப்படுகிறது.

இதற்கிடையே ராகுலின் ராஜினாமாவைத் தொடர்ந்து மாநில காங்கிரஸ் தலைவர்களும் தங்கள் பதவியை ராஜினாமா செய்து ராகுலுக்கு கடிதம் அனுப்பி வருகிறார்கள். ஏற்கனவே 3 மாநில தலைவர்கள் விலக விருப்பம் தெரிவித்திருந்த நிலையில் நேற்று அசாம், ஜார்க்கண்ட், பஞ்சாப் மாநிலங்களின் காங்கிரஸ் தலைவர்களும் விலகல் கடிதம் கொடுத்துள்ளனர்.

மேலும் சில மாநில காங்கிரஸ் தலைவர்கள் பதவியை ராஜினாமா செய்ய தயாராகி வருகிறார்கள். இதனால் காங்கிரஸ் கட்சியில் பரபரப்பான சூழ்நிலை உருவாகியுள்ளது.

மும்பை:

பாராளுமன்ற தேர்தலில் காங்கிரஸ் கட்சி படுதோல்வியடைந்ததால் கட்சி தலைமை கடும் அதிர்ச்சி அடைந்தது. தோல்விக்கான காரணம் குறித்து இன்று டெல்லியில் நடைபெற்ற காரிய கமிட்டி கூட்டத்தில் ஆராயப்பட்டது. இந்த தோல்வி ராகுல் காந்தியின் தலைமைக்கு கிடைத்த தோல்வி என பலரும் கூறி வருகின்றனர். இதனால் தோல்விக்கு பொறுப்பேற்று ராகுல் காந்தி பதவி விலக முன்வந்ததாகவும் தகவல் பரவியது. ஆனால், அதனை கட்சி மறுத்துள்ளது.

இந்நிலையில், மகாராஷ்ரடி மாநில காங்கிரஸ் கமிட்டி தலைவர் அசோக் சவான் செய்தியாளர்களிடம் கூறியதாவது:-


தேர்தல் பிரசாரம் என்பது கூட்டுப்பொறுப்பு. ராகுல் காந்தி கடுமையாக தேர்தல் பணி செய்தார். பிரசாரத்தை முன்னால் இருந்து வழிநடத்தினார். மாநில காங்கிரஸ் கமிட்டிகளில் உயர் பொறுப்பு வகிக்கும் தலைவர்கள் பதவி விலக வேண்டும். புதிய தலைமை பொறுப்பேற்க வேண்டும். மகாராஷ்டிராவில் காங்கிரஸ் தோல்வி அடைந்ததற்கு பொறுப்பேற்று நானும் எனது குழுவும்கூட பதவி விலக தயாராக இருக்கிறோம்.

கட்சிக்குள் எந்த கருத்து வேறுபாடும் இல்லை. அனைவரும் நம்பிக்கையுடன் களப்பணியாற்றினோம். கட்சி விரோத நடவடிக்கைகளில் ஈடுபட்டவர்கள் மீது நடவடிக்கை எடுக்கப்படும். அவர்கள் தொடர்பான அறிக்கையை கேட்டுள்ளோம்.

இவ்வாறு அவர் கூறினார்.

மகாராஷ்டிராவில் உள்ள 48 தொகுதிகளில் காங்கிரஸ் ஒரு தொகுதியில் மட்டுமே வெற்றி பெற்றது. அசோக் சவான் நான்டட் தொகுதியில் பாஜக வேட்பாளர் பிரதாப் சிக்லிகரிடம் தோல்வி அடைந்தது குறிப்பிடத்தக்கது.

புதுடெல்லி:

பாராளுமன்றத் தேர்தலில் காங்கிரஸ் கட்சி இந்த முறையும் படுதோல்வியடைந்தது. கடந்த தேர்தலில் 44 தொகுதிகளில் வென்ற காங்கிரஸ், இந்த முறை 52 தொகுதிகளை மட்டுமே பெற்றுள்ளது. பல மாநிலங்களில் காங்கிரஸ் கட்சியால் ஒரு தொகுதிகளை கூட பெற முடியவில்லை. 5 மாதங்களுக்கு முன்பு மத்திய பிரதேசம், சத்தீஸ்கர், ராஜஸ்தான் மாநிலங்களில் வெற்றி பெற்று ஆட்சி அமைத்த காங்கிரஸ், அந்த மாநிலங்களிலும் வெற்றியை தக்கவைக்க முடியவில்லை.

இதற்கிடையே காங்கிரஸ் காரிய கமிட்டி கூட்டத்தில், பாராளுமன்ற தேர்தல் தோல்வி, எதிர்கால திட்டங்கள் மற்றும் கட்சி வளர்ச்சி உள்ளிட்ட பல்வேறு அம்சங்கள் குறித்து விவாதிக்கப்பட்டு தீர்மானங்கள் நிறைவேற்றப்பட்டன.

குறிப்பாக, காங்கிரஸ் கட்சியின் தலைவராக ராகுல் காந்தி நீடிப்பார் என்றும், கட்சியின் அனைத்து முடிவுகளையும் எடுக்கும் அதிகாரத்தை ராகுலுக்கு வழங்குவது என்றும் ஒருமனதாக தீர்மானம் நிறைவேற்றப்பட்டது.

இக்கூட்டத்தில் ராகுல் காந்தியுடன், ஐக்கிய முற்போக்கு கூட்டணி தலைவர் சோனியா காந்தி, காங்கிரஸ் பொதுச்செயலாளர் பிரியங்கா காந்தி, முன்னாள் பிரதமர் மன்மோகன் சிங் மற்றும் பல்வேறு தலைவர்கள் கலந்துகொண்டனர்.

புதுடெல்லி:

பாராளுமன்றத் தேர்தலில் காங்கிரஸ் கட்சி இந்த முறையும் படுதோல்வியடைந்தது. கடந்த தேர்தலில் 44 தொகுதிகளில் வென்ற காங்கிரஸ், இந்த முறை 52 தொகுதிகளை மட்டுமே பெற்றுள்ளது. பல மாநிலங்களில் காங்கிரஸ் கட்சியால் ஒரு தொகுதிகளை கூட பெற முடியவில்லை. 5 மாதங்களுக்கு முன்பு மத்திய பிரதேசம், சத்தீஸ்கர், ராஜஸ்தான் மாநிலங்களில் வெற்றி பெற்று ஆட்சி அமைத்த காங்கிரஸ், அந்த மாநிலங்களிலும் வெற்றியை தக்கவைக்க முடியவில்லை.

ஆனால், காங்கிரஸ் தலைவர் பதவியிலிருந்து விலக ராகுல்காந்தி விருப்பம் தெரிவித்ததாக வெளியான தகவல் உண்மையில்லை  என்று காங்கிரஸ் கட்சியின் தலைமைச் செய்தித் தொடர்பாளர் ரன்தீப் சிங் சுர்ஜேவாலா விளக்கம் அளித்துள்ளார். காங்கிரஸ் செயற்குழு கூட்டம் தொடர்ந்து நடைபெற்று வருவதாகவும் அவர் தெரிவித்தார்.

புதுடெல்லி:

டெல்லியில் காங்கிரஸ் கட்சியின் அதிகாரம் மிக்க அமைப்பான காரிய கமிட்டியின் கூட்டம் இன்று (திங்கட்கிழமை) நடக்கிறது. இந்த கூட்டத்துக்கு கட்சியின் தலைவர் ராகுல் காந்தி தலைமை தாங்குகிறார். மூத்த தலைவர் சோனியா காந்தி, முன்னாள் பிரதமர் மன்மோகன்சிங், மூத்த தலைவர்கள் அகமது பட்டேல், ஏ.கே.அந்தோணி, குலாம் நபி ஆசாத், ப.சிதம்பரம், மல்லிகார்ஜூனகார்கே, அம்பிகா சோனி, ஆனந்த் சர்மா, சித்தராமையா, உம்மன்சாண்டி, தருண் கோகாய், ஹரிஷ் ராவத் உள்ளிட்டோர் கலந்துகொள்கிறார்கள். இதில் ப.சிதம்பரம் தலைமையிலான குழு தயாரித்துள்ள காங்கிரஸ் கட்சியின் தேர்தல் அறிக்கை இறுதி செய்யப்படுகிறது.  #Congress #LokSabha 

அகமதாபாத்:

பாராளுமன்ற தேர்தல் குறித்து ஆலோசனை நடத்துவதற்காக காங்கிரஸ் கட்சியின் காரியக் கமிட்டி கூட்டம் இன்று குஜராத் மாநிலம் அகமதாபாத்தில் தொடங்கியது. சர்தார் வல்லவாய் படேல் தேசிய நினைவிடத்தில் இக்கூட்டம் நடைபெறுகிறது.


மகாத்மா காந்தி தண்டி யாத்திரையை தொடங்கிய நாளான இன்று, சபர்மதி ஆசிரமத்தில் பிரார்த்தனை செய்துவிட்டு காரிய கமிட்டி கூட்டத்தை தொடங்கி உள்ளனர். சர்தார் வல்லபாய் படேல் நினைவிடத்தில் அவரது உருவச்சிலைக்கு சோனியா, மன்மோகன்சிங், பிரியங்கா உள்ளிட்ட தலைவர்கள் மரியாதை செலுத்தினர். காரிய கமிட்டி கூட்டம் முடிவடைந்ததும் கட்சி சார்பில், பல்வேறு விவகாரங்களை உள்ளடக்கிய அறிக்கை வெளியிடப்படும்.

58 ஆண்டுகளுக்குப் பிறகு குஜராத் மாநிலத்தில் காரிய கமிட்டி கூட்டம் நடைபெறுவதால் காங்கிரஸ் கட்சியினர் உற்சாகம் அடைந்துள்ளனர். #CongressWorkingCommittee #CWCMeeting

சேவாகிராம்:

மராட்டிய மாநிலம் வார்தா மாவட்டம் சேவாகிராமத்தில் உள்ள மகாதேவ் பவனில் காங்கிரஸ் காரிய கமிட்டி கூட்டம் நேற்று நடைபெற்றது. 1942-ம் ஆண்டு, மகாத்மா காந்தி அங்கு காரிய கமிட்டி கூட்டத்தை நடத்தினார். அதன்பிறகு இப்போதுதான் அங்கு இக்கூட்டம் நடந்தது.

காங்கிரஸ் தலைவர் ராகுல் காந்தி தலைமை தாங்கினார். ஐக்கிய முற்போக்கு கூட்டணி தலைவர் சோனியா காந்தி, முன்னாள் பிரதமர் மன்மோகன் சிங் உள்ளிட்டோர் கலந்து கொண்டனர்.



கூட்டத்தில் எடுக்கப்பட்ட முடிவுகள் குறித்து காங்கிரஸ் தலைமை செய்தித்தொடர்பாளர் ரந்தீப் சுர்ஜேவாலா நிருபர்களுக்கு பேட்டி அளித்தார். அவர் கூறியதாவது:-

இந்திய சிந்தனைக்கும், அதன் ஆன்மாவுக்கும், உடலுக்கும் மகாத்மா காந்தி ஆற்றிய பணிகளை நினைவுகூர்ந்து 2 தீர்மானங்கள் நிறைவேற்றப்பட்டன. முன்னாள் பிரதமர் லால்பகதூர் சாஸ்திரி, ‘ஜெய் ஜவான், ஜெய் கிசான்’ என்ற கோஷத்தை எழுப்பினார். அது, வெறும் கோஷம் அல்ல, நமது வாழ்க்கை முறை.

நரேந்திர மோடி அரசு, இந்தியாவின் பன்முகத்தன்மைக்கு எதிராக உள்ளது. வெறுப்பு, வன்முறை, பழிவாங்குதல், அச்சுறுத்தல், பிரித்தாளுதல், ஆரோக்கியமான விவாதத்தையும், மாற்றுக்கருத்தையும் நசுக்குதல் ஆகியவை கலந்த அரசியலை நடத்தி வருகிறது. அந்த அரசுக்கு எதிராக 2-வது சுதந்திர போராட்டத்தை நடத்த முடிவு செய்யப்பட்டது.

காந்தியையும், அவரது சிந்தனைகளையும் சீர்குலைத்தவர்கள், இப்போது காந்தியின் சீடர்கள் போல் வேடம் போடுகிறார்கள். அவர்கள், காந்தியின் மூக்குக்கண்ணாடியை விளம்பர பிரசாரத்துக்காக வாங்கலாம். ஆனால், அவர்களின் இட்டை வேடத்தை காங்கிரஸ் அம்பலப்படுத்தும்.

டெல்லிக்கு சென்ற விவசாயிகள் மீது தடியடி நடத்தியது கண்டிக்கத்தக்கது. பிரதமர் மோடி அதிகார போதையில் மிதக்கிறார். நாங்கள் ஆட்சிக்கு வந்தால், விவசாயிகளின் பிரச்சினைகள் தீர்க்கப்படும்.

இவ்வாறு அவர் கூறினார்.

ராகுல் காந்தியும், சோனியா காந்தியும் சேவாகிராமிலேயே நேற்று மதிய உணவு சாப்பிட்டனர். தாங்கள் சாப்பிட்ட தட்டுகளை, அவர்களே கழுவினர். இந்த வீடியோ காட்சி, சமூக வலைத்தளங்களில் வெளியாகி பரபரப்பாக பேசப்பட்டது.

முன்னதாக, வார்தாவில் உள்ள மகாத்மா காந்தி சிலைக்கு மாலை அணிவித்த காங்கிரஸ் தலைவர் ராகுல் காந்தி, தொண்டர்களுடன் பாத யாத்திரை சென்றார். பொதுக்கூட்டம் ஏற்பாடு செய்யப்பட்ட சர்க்கஸ் மைதானம் வரை சென்றார். 50 நிமிட நேரம் நடந்து அந்த இடத்தை அடைந்தார்.

பொதுக்கூட்டத்தில், ராகுல் காந்தி பேசியதாவது:-

மகாத்மா காந்தி, நாட்டை ஒன்றுபடுத்தினார். ஆனால், மோடியோ நாட்டை பிளவுபடுத்துகிறார். ஒரு சமுதாயத்துடன் மற்றொன்றை மோத விடுகிறார். ரபேல் போர் விமான ஒப்பந்த விவகாரம் குறித்த கேள்விகளுக்கு மோடி பதிலளிக்க வேண்டும்.

பணக்காரர்களின் ரூ.3 லட்சத்து 20 ஆயிரம் கோடி கடன்களை தள்ளுபடி செய்த மோடி அரசு, விவசாயிகளின் கடன்களை தள்ளுபடி செய்யவில்லை.

இவ்வாறு அவர் பேசினார்.  #Congress #SecondFreedomStruggle #Modi #ModiGovernment #RahulGandhi

புதுடெல்லி:

அடுத்த ஆண்டு (2019) மத்தியில் பாராளுமன்றத்துக்கு தேர்தல் நடைபெற உள்ளது. தேர்தலை சந்திக்க ஆளும் பா.ஜனதாவும் எதிர்க்கட்சியான காங்கிரசும் தயாராகி வருகின்றன.


அடுத்த கட்டமாக பாராளுமன்ற தேர்தல் தொடர்பாக காங்கிரஸ் கட்சியின் காரிய கமிட்டி கூட்டம் டெல்லியில் இன்று கூடியது. காங்கிரஸ் தலைவர் ராகுல்காந்தி தலைமையில் நடந்த இந்த கூட்டத்தில் சோனியாகாந்தி, மன்மோகன்சிங், ஏ.கே.அந்தோணி உள்ளிட்ட மூத்த தலைவர்கள் காரிய கமிட்டி உறுப்பினர்கள் கலந்து கொண்டனர்.

கடந்த பாராளுமன்ற தேர்தல் பிரசாரத்தில் ராகுல் காந்தி முன்னிலைப்படுத்தப்பட்டார். ஆனால் தேர்தலில் எதிர்பார்த்த வெற்றி கிடைக்கவில்லை. எனவே வரும் தேர்தலில் ராகுல் காந்தியை பிரதமர் வேட்பாளராக அறிவிக்கலாமா? என்பது குறித்து ஆலோசனை நடத்தப்பட்டதாக கூறப்படுகிறது. #Congress #RahulGandhi #SoniaGandhi

புதுடெல்லி:

அகில இந்திய காங்கிரஸ் கட்சியின் செயல்பாடுகள் தொடர்பாக ஆலோசித்து தீர்மானிக்கும் செயற்குழுபோல் இயங்கும் மத்திய காரிய கமிட்டிக்கு தேசிய அளவில் மூத்த தலைவர்கள் நியமிக்கப்படுவது வழக்கம்.

காங்கிரஸ் கட்சியின் தேசிய தலைவராக பொறுப்பேற்ற பின்னர், மத்திய காரிய கமிட்டியை ராகுல் காந்தி கடந்த ஆண்டு பிப்ரவரி மாதம் கலைத்து விட்டார். அதற்கு மாற்றாக 34 உறுப்பினர்களை கொண்ட புதிய நெறிமுறை குழு அமைக்கப்பட்டது.

இந்நிலையில், 51 உறுப்பினர்களுடன் புதிதாக மத்திய காரிய கமிட்டியை ராகுல் காந்தி இன்று அமைத்துள்ளார்.

இந்த காரிய கமிட்டியில் உறுப்பினர்களாக 23 பேர், நிரந்தர அழைப்பாளர்களாக 19 பேர், சிறப்பு அழைப்பாளர்களாக 9 பேர் என மொத்தம் 51 பேர் நியமிக்கப்பட்டுள்ளனர். வயதில் மூத்தவர்கள், இளைய தலைமுறையினர் அடங்கிய கமிட்டியாக இது அமைந்துள்ளதாக டெல்லி காங்கிரஸ் வட்டாரங்கள் தெரிவித்துள்ளன.

இன்று புதிதாக உருவாக்கப்பட்டுள்ள இந்த கமிட்டியின் முதல் ஆலோசனை கூட்டம் ராகுல் காந்தி தலைமையில் வரும் 22-ம் தேதி டெல்லியில் நடைபெறும் என அறிவிக்கப்பட்டுள்ளது. #RahulGandhi #CongressWorkingCommittee